Бугун ўзининг 29 ёшини қарши олган Лионель Месси футболчилик фаолиятини фақат «Барселона»да ўтказишни ният қилмоқда. Бу ҳақда Sport.es хабар тарқатди.
«Ўзимни ҳам жисмоний, ҳам руҳий томонлама яхши ҳис қилмоқдаман. Майдонга чиққанимда футболдан мароқланяпман."Барселона"да бахтли эканимни ҳамиша таъкидлаб келганман. Бу ерда керакли ўйинчи бўларканман, олдимизга қўйилган янги вазифаларни бажаришда клубга ёрдам беришга ҳаракат қиламан. Жароҳатлар мени четлаб ўтса, омад мендан юз ўгирмаса, бу ерда ҳали кўп йиллар ўйнамоқчиман», — дейди Месси.