Италия терма жамоаси ҳужумчиси Грациано Пелле Евро-2016 1/8 финалида Испания термасига қарши учрашув олдидан фикрлари билан ўртоқлашди.
"Давид менинг зарбаларимдан кейин бир неча яхши сейвлар қилган, аммо шунингдек, мен ҳам унга бир неча гол урганман. У яхши дарвозабон. Аммо ҳозир бизни бошқа ўйин кутиб турибди.
Ҳужумчи ва дарвозабонинг ҳаёти шунақа — мен гол уришни истайман, у қайтаришни истайди. Кўрамиз, бу ўйинда ким ғалаба қозонар экан" — дейди Пелле.
Испания ва Италия ўртасидаги учрашув 27 июнь куни "Стад де Франс" стадионида бўлиб ўтади.
