Бу йилги мавсумни анча кўтаринки руҳда бошлаган “аждарлар” биринчи давранинг иккинчи ярмида кўп очко йўқотишди. Бу нима билан боғлиқ? Жамоа кучсизми? Ёки мураббийда маҳорат камми?
Юқорида санаб ўтилган таҳминларнинг ҳеч бири ўзини оқламайди.
Биринчидан. Мавсум бошида кучли ўйнаб турган жамоа ва мураббий бирданига ўзини йўқотиб қўймайди.
Иккинчидан эса етакчилари майдонда бўлмаслиги жамоа ўйинини кучсизлантиради.
Ҳақиқатдан ҳам “Насаф”нинг бугунги аҳволига хавас қилиб бўлмайди. Жамоа ҳозир саҳронинг ярмида оёқларидан айрилган йўловчидек йўлнинг пойонига кўз тикиб қўллари ёрдамида ҳаракат қилмоқда.
Нега айнан “Насаф”ни оёғидан айрилган йўловчига ўхшатдим? Бу қайси маънода тўғри?
Жамоамизда бугунги кундаги таркибдаги йўқотишлар сони 8тага етди. Нақд 8та-я! Бахтимизга таркибимизда иқтидорли ёшларимиз бор, акс холда холимизга маймунлар йиғлашар эди. Аммо ёшлар ҳам етакчиларсиз карахт аҳволда бўлишларини тан олмай иложимиз йўқ. Майдонда ҳаракат қилаётган ёш футболчи қачон ўзини эркин хис этади? Қачонки ортида тажрибали ва етакчи жамоадоши турган бўлса. Аммо бизнинг сўнги ўйинларимизда етакчиларсиз қолаётганимиз натижаларимиз пасайишига олиб келмоқда. Бу ёмон албатта!
Сизга мисол тариқасида сўнги ўйин-“Нефтчи”га қарши Фарғонада кечган ўйинни олайлик,майдонда асосан ёшлар ва захира футболчилари… Етакчилардан эса Геворкян ва Шухрат Муҳаммадиевлар бор едилар, аммо бахтга қарши ўйиннинг бошиданоқ Шуҳратниг хизматидан фойдаланиш учун берилган квотамиз тугади. Бошланмасдан тугади. Шуҳрат Муҳаммадиев жароҳат олди ва алмаштирилди. Ўйиндан чиққанику майли, аммо у камида бир ой жамоага ёрдам бера олмаслиги кўнгилни хира қилди. Ўзи шундоқ ҳам Илҳом Шомуродов, Одил Ҳамробеков, Азамат Алланиёзов каби етакчиларимизда жароҳатлар бор эди. Энди Шухртада ҳам жароҳат бор.
“Нефтчи”га қарши учрашувнинг илк дақиқасидаёқ вакилларимиз ҳисобни очишди. Ҳисобни ушлашга, нафақат ҳисобни ушлаш, балки яна голлар уришга ҳам кучимиз етадиган ўйинда рақиблар сўнги дақиқаларгача 2:1 ҳисобида ютаётган эдилар. Чунки майдонгаги етакчилар етишмовчилиги жамоага панд берди.
Аммо “Насаф” ютқазишни истамади. Сабаби мухлисларини ранжитиб қўйишни хохламади ва Рўзиқул Бердиев майдонга жароҳати бўлишига қарамай Илҳом Шомуродовни оғриқ қолдирувчи укол ёрдамида майдонга туширди. Ким нима деса десин-у аммо Шомуродов шу ўйинда ўзининг етакчи эканлигини исботлай олди. Унинг майдонга тушиши “Нефтчи” дарвозаси олдида содир этилаётган хужумларимизни янада хавфли тус олишига замин яратди. Бунинг натижаси ўлароқ жамоамиз сўнги дақиқаларда ҳисобни тенглаштирди ва якунда 1 очкога эга бўлди.
Ютқазаётган жамоанинг сўнги дақиқаларда мағлубиятдан қутилиб қолиши жамоадаги кайфиятнинг кўтарилишига сабаб бўлади. Умид қиламизки, “Насаф” бугунги ўйинни аввалгидек кўтаринки руҳда ўтказади ва 5 ўйиндан иборат ғалабасиз серияга барҳам беради.
Ушбу ғалаба “Насаф” учун жуда муҳим сабаби жамоамиз пешқадамдан 11 очко, 3-ўриндаги “Металлург”дан эса 3 очкога ортда қолмлқда. Агар бугунги ўйинда “Насаф” 3 очкони ўз ҳисобига ёзиб қўйса, ўз ўзидан жамоамиз жамғарилган очколар қиймати бўйича “Металлург”га тенглашиб олади ва тўплар нисбатидаги фарқ эвазига бекободликларни 3-ўриндан тушириб юборишади.
Даврани якуний учрашувида “Насаф” Қашқадарё дербисида “Машъал”га қарши баҳсда майдонга тушишади. Ушбу ўйинда ҳам жамоамизнинг хато қилишга ҳаққи йўқ. Айнан шу ўйиндан сўнг биринчи даврага якун ясалади ва трансфер ойнаси очилади. Бу даврда эса жамоа таркибига бир қатор кучли футболчилар келиб қўшилишади. Катта эҳтимол билан бу футболчилар Ўзбекистонлик бўлишмайди.
Шундай экан жамоамизни охиригача қўллаб қувватлайлик. “Насаф”га ишонайлик! Зеро майдонда ҳаракат қилаётган йигитлар биз учун тер тўкишмоқда. Маош ўз йўлига аммо ўртада мухлис ишончи ва халқ қувончи турибди.
Бир жамоа – Бир куч
Биз мана шу шиор остида бирлашиб, жамоамизни чемпионлик сари етакламоғимиз даркор! Қашқадарёликларга ярашмаяпти “Марказий” стадионнинг хувиллаб ётиши….
Азамат Умаров
