"Насаф" ва "Сўғдиёна" жамоалари ўртасидаги учрашувдан сўнг ўтказилган матбуот анжуманининг навбатдаги қисмида қаршиликлар бош мураббийи Рўзиқул Бердиев иштирок этди ўйин ҳақидаги фикрлари билан ўртоқлашди.

-Мазмунли ўйин кўрсатмаган бўлсакда, бугун ғалабага эришджик. Бу бизга керак эди. Бешта ўйиндан бери ғалаба қозона олмаётгандик. Иккинчи бўлим бошида кўплаб вазиятларни амалга ошира олмадик. Гол утказгач асабийлашдик. Лекин ғалаба қозона олдик. Таркиб борасида жиддий муаммоларимиз бор. Бу ҳам ишимизни жуда қийинлаштирмоқда.

Ҳақиқатан ҳам ўтган ўйинларда натижа бўлмади. Жавобгарликни ўз бўйнимга оламан. Бунга қайсидир маънода айбдорман. Гадоев? У ҳозир биз билан машғулотларда иштирок этмоқда, уни шартномаси тугаганини биламиз. У бизга керак. Агар келиша олсак, уни ўз сафимизга қўшиб оламиз. Давралар оралиғида сафимизда ўзгариш бўлади. Легионерларни кузатаяпмиз. Уларни танловида адашмаслигимиз керак. Бизга кўпроқ агентлар Болқон давлатларидан ўйинчилар таклиф қилишаяпти, биз эса бошқа хорижий давлатлардан ўйинчилар қидираяпмиз. Балки таркибимизда яна бошқа маҳаллий ўйинчилар пайдо бўлар. Ҳужум чизиғини кучайтиришимиз керак. Бусиз иложи йўқ

Сўзим охирида эртанги байрам билан барча ОАВ ходимларини табриклайман. Ишларингизга ривож, қаламингиз бунданда ўткир бўлсин.