Италия терма жамоаси дарвозабони Жанлуижи Буффон Евро-2016 1/4 финалида Германия термасига қарши учрашув олдидан фикрларини билдирди.
Учрашув 2 июль куни бўлиб ўтади.
"Мен ҳар доим сергак туришим керак, акс ҳолда шерикларимнинг ҳаракатларини бир зумда йўққа чиқаришим мумкин. Италия термасида юлдузлар йўқ, аммо майдонда борини беришга тайёр, ғайратли ўйинчилар кўп. Биз мухлисларимизни ишончини оқлашга ҳаракат қиламиз.
Ким кучли — мен ёки Нойер? Албатта, Нойер. У мендан ёш, ажойиб дарвозабон. Кўп дарвозабонлар билан ёшим туфайли рақобат қила олмайман, аммо Италия термасининг ва "Юве" либосини кийсам, бунга лойиқ бўлишга тиришаман.Германия билан ўйин? Қоғозда улар кучли, аммо ҳаммасини ўйин кўрсатади", — дейди Буффон.
