УЕФА ташкилоти молиявий “фэйр-плей” қоидаларини бузгани учун Қозоғистоннинг “Астана” клубини 2 млн евро миқдорида жаримага тортди.
«Мамлакатнинг етакчи клуби УЕФА молиявий “фэйр-плей” қоидаларини бузганидан афсусдаман. Клубга 2 млн евро жарима солинди, бундан ташқари янги футболчиларни рўйхатдан ўтказиш тақиқланди. Клуб раҳбарияти молиявий маблағларни тўғри сарфлай олмаган, бу ҳаракатлар клубга зарба бўлган. “Астана” барча жабҳаларда бошқа клубларга ўрнак бўлиши керак эди», — деди Қозоғистон футбол федерацияси президенти Ерлан Кожагапанов бу ҳақда.
Эслатиб ўтамиз, УЕФА молиявий “фэйр-плей” қоидасига биноан, клублар ишлаб топган маблағларидан ортиқча миқдорда пул сарфлай олмайдилар.
