Португалия терма жамоасининг яримҳимоячиси Луиш Нани Евро-2016 чоракфиналидан ўрин олган Польшага қарши ўйин олдидан ўз фикрларини билдирди.

«Олдинда бизни янги, умуман бошқача ўйин кутмоқда. Ғалаба қозонишни истаймиз. 2012 йили Польша билан ўйнагандик (0:0). Лекин бу ўйин умуман бошқача бўлади. Бу ўртоқлик ўйини эмас. Бу сафар янада оғир бўлиши аниқ.

Пенальтилар сериясига тайёрмиз. Баъзи бировлар буни лотерея дейишади. Балки тўғридир. Аммо шуни биламанки, пенальти тепаётганингда гол уришингга ишонишинг керак. Агар иш пенальтиларга бориб етса, биз ўзимизга ишонишимиз керак», – деди Нани.