“Локомотив” – “Бунёдкор” учрашувидан кейинги матбуот анжуманининг биринчи қисмида “қалдирғочлар” устози қатнашди.

- Яхши ва тартибли ўйин бўлди. Шогирдларим берган кўрсатмаларимни деярли 99 фоизга тўғри бажаришди. Рақиб ўйинини кузатганимиз ва яхши билганимиз учун бугун мана шундай қарши ҳужум тактикасини танладик. Ўйин жиҳатдан “Локомотив” мамлакатимизнинг энг яхши жамоаларидан бири. Биз сабр билан кутган ўша вазиятлар бўлди. Афсуски, улардан фойдалана олмадик. Биринчи давра якунланди. Биринчи даврани якунлаб, танаффусга чиқдик. Мавсумни биринчи қисмидан қониқдим, десам ҳам бўлади. Йигитларга эътирозим йўқ. Барча шогирдларимдан кўнглим тўлди. Мавсумнинг иккинчи қисмида кураш янада қизғин кечади. Шу боис давралар оралиғида таркибни кучайтиришни режалаштирганмиз, - дейди Сергей Иванович.