«Манчестер Сити» клуби «Реал» ярим ҳимоячиси Тони Кроос ва «Барселона» ҳужумчиси Луис Суаресни сотиб олмоқчи.
Ҳар иккала футболчини "шаҳарликлар" бош мураббийи Хосеп Гвардиола жамоада кўришни истамоқда. Эслатиб ўтамиз, Кроос «Бавария» сафида испаниялик мутахассис қўл остида фаолият олиб борган.
Германия терма жамоаси футболчисининг трансфер нархи 63 миллион фунт стерлингга баҳоланмоқда. «Сити» эса Луис Суарес учун 85 миллион фунт тўлаши мумкин.
"Сити"нинг ушбу трансферларга қўл уришига ашаддий рақиби "МЮ"нинг иккита ката трансферни амалга оширгани сабаб бўлиши мумкин. Шанба куни "МЮ" Генрих Мхитарян ва Златан Иброҳимович билан шартнома имзолаган эди.
Якунланган мавсумда Кроос Примера доирасида 32та ўйинда майдонга тушиб, битта гол урди ва 10та голга узатма берди. Суарес эса 35та ўйинда 40та гол урди ҳамда 17 голга ҳаммуалифлик қилди.
