Франция терма жамоасининг собиқ футболчиси Тьери Анри Европа чемпионати чорак финалидан ўрин олган Германия ҳамда Италия терма жамоалари ўртасидаги ўйин ҳақида фикр билдирди.
«Бу ўйиндан кейин кўпчилик Дармианнинг пенальтини уролмаганини эслайди, лекин мен италиялик бўлганимда Пелле ва Зазанинг зарбаларини эслардим. Улар ҳаттоки дарвозага аниқ тепишмади ҳам. Нимага бундай қилишди, ҳайронман. Ахир улар ҳужумчи-ку.
Футболчилар ўйиндан олдин пенальтини машқ қилишмагани аниқ. Футбол тарихидаги энг ёмон пенальтилар сериясидан бирини кўрдик»,- дейди Анри.
