Биз «Навбаҳор» мухлислари жамоадан кўп нарса кутамиз. Кўп ҳолларда таркибдаги ўзгаришларни фақат салбий томонини ўйлаймиз. Палончи футболчи «Навбаҳор»га келгани ҳақида маълумот берилса, дарров ўйинчи ҳақида салбий фикрлар янграйди. Эй, баракатопгур, ҳали бу ўйинчи майдонга тушсин, ўйинини кўрайлик. Ана ундан сўнг ҳар қанча фикрлар бўлса бемалол. Йўқ, барибир бизда ундай эмас. Бефойда, офтоб каби сўзлар мухлислар орасида урф бўлган.

Равшан Бозоров бош мураббий бўлгач, деярли ҳеч қайси мухлис унга ишонч билдиролмаяпти. Тўғриси, мураббийларнинг қўнимсизлигида ҳам мухлисларнинг улуши бор. Керакмас, 2-3 та ўйиндан хулоса чиқариш. Келинглар, мавсум охиригача клуб ишига аралашмайлик! Аралаш-қуралаш бўлиб, «Навбаҳор» кучли ўнликка ҳам кира олмаяпти.

Жамоани тарк этадиганларга ачиниш шарт эмас. Шунчаки, 6 ойлик шартномалар ҳам тузилиши мумкинлиги одамни энсасини қотиради. Голбан дарҳақиқат жамоанинг асосий фигураларидан эди. Унинг кетиши фожеа эмас! Ҳимояда яхши ўйнайдиган футболчилар ҳозир ҳам «Навбаҳор»да бор.

Гапни очиғи, ҳурматли мухлислар клуб ишига аралашишни бас қилайлик! Ҳозирги коллективга шунчаки ишонайлик. Ҳаммаси ҳали олдинда!


Камолиддин АСҚАРОВ, Наманган шаҳри