Олий лиганинг 15-туридан ўрин олган «Навбаҳор» – «Андижон» учрашувидан сўнг жамоамиз таътилга чиқмади. Боиси 5 июль куни Ўзбекистон Кубоги доирасидан ўрин олган 1/4 финал босқичида «Насаф»га қарши ўйин кутиб турибди. Шу боис айни дамда футболчилар бўлажак баҳсга тайёргарлик кўрмоқда. Мазкур учрашувдан сўнг жамоа аъзоларига қисқа муддатли дам берилади. 10 июльдан эса йиғин бошланади. Давралар оралиғида таркибда эътиборга молик ўзгаришлар бўлиши аниқ. Айни дамда селекция гуруҳи бир қатор футболчилар билан музокара олиб бормоқда. Уларнинг айнан ким экалиги хусусида кейинроқ батафсил маълумот берилади.
«Насаф»га қарши Кубок ўйини 5 июль, сешанба куни соат 18:00 да бошланади. Мухлисларни «Соғлом авлод» стадионига чорлаймиз.
