Эртага жамоамиз Ўзбекистон Кубоги чорак финал биринчи учрашуви доирасида “Бухоро” клубига қарши майдонга тушади. Ушбу жамоаларнинг кубок доирасидаги ўзаро учрашувларига доир статистик маълумотлар билан танишинг.
Қўқондаги иккинчи учрашув
Мазкур жамоалар шу кунга қадар Ўзбекистон Кубоги доирасида икки марта тўқнаш келишган. Аниқроғи, 2002/2003 йилги кубок баҳсларининг нимчорак финалида майдонга тушишган. 2003 йининг 27 март санасида Бухорода бўлиб ўтган беллашувда мезбонлар 2:1 ҳисобида ғалаба қозонишган. Ўша йили 2 апрель куни Қўқонда ўтказилган ўйинда ҳам бухороликлар 3:2 ҳисобида рақибдан устун келишган ва чорак финалга чиқишган.
Кубокдаги иштирок
“Қўқон-1912” жамоаси бу йил 15-марта Ўзбекистон Кубоги баҳсларида иштирок этмоқда. Жамоамизнинг энг яхши натижаси 1992 йили қайд этилган. Ўшанда вакилларимиз финалга қадар этиб боришган.
Бугунга қадар жамоамиз икки марта чорак финалга чиққан. Ярим финал йўлида 1995 йили “Навбаҳор”, 1997 йили “Нефтчи”га мағлуб бўлганмиз.
Бу жамоамизнинг учинчи чорак финалидир.
Бошланиш вақти
Ўйин эртага Қўқондаги “Марказий” ўйингоҳда соат 18:00да бошланади. Барча мухлисларимизни мазкур учрашувга таклиф этиб қоламиз.
