Қисқа вақт ичида наманганлик мухлислар ёқимтойига айланиб қолган кореялик Хюн-Йеон Чой «Навбаҳор»га қайтмайдиган бўлди. Бу ҳақда футболчининг ўзи ижтимоий тармоқдаги суҳбат орқали маълум қилди.

«Тўғриси, «Навбаҳор» жамоасида ўзим истагандек ўйнолмадим», - деб гап бошлади Чой.

«Жамоадан мураббийлар кетишдими? Кутмагандим. Наманганда ҳар томонлама қийналган бўлсамда, иштиёқ билан ўйнашга интилардим. Малайзияда ҳам тўп сурганимда маҳаллий муҳитга мослашиш қийин кечганди. Ўзбекистон шароитига кўникиб бораётганимда кутилмаган чақирув орқали юртимга қайтишга мажбур бўлдим. Ҳозирги ҳолатда «Навбаҳор»га қайтолмайман. Олдимда ўзимизнининг жамоалардан таклифлар бор. Фаолиятимни Кореяда давом эттираман», - дейди Чой.

«Наманганлик мухлисларга ўз саломимни йўллаб қоламан. Ишқибозларнинг ишончини оқлай олмадим. Бунинг учун улардан узр сўрайман. «Навбаҳор»га эса омад тилайман», - деб фикрини якунлади..


Мазкур материални тайёрлашда яқиндан кўмаклаклашган Ж.Кореяда хизмат сафарида бўлиб турган ҳамшаҳарларимиз Р.Аюбов ва Н.Алиевларга ўз миннатдорчилигимизни билдирамиз.