Айни пайтда жамоамиз аъзолари давралар оралиғидаги таътилни ўтказишмоқда.
Футболчилар бир ҳафталик дам олишдан сўнг иккинчи даврага тайёргарликни бошлашади. “Навбаҳор” иккинчи даврага тайёргарликни асосан Тошкент вилоятида олиб боради. Режага кўра жамоа аъзолари 8 июль куни клуб қароргоҳида тўпланишади. Жамоа аъзолари Наманганда 2-3 кун давомида шуғулланишгач йиғин ўтказиш мақсадида Тошкент сафарига отланишади. Машғулотлар барча шароитларга эга бўлган Тошкент вилоятининг Бўстонлиқ туманидаги оромгоҳда ўн кун давомида олиб борилади. Тайёргарликнинг якуний босқичи эса пойтахтда давом эттирилади. Тошкентдаги йиғин давомида назорат ўйинларида майдонга тушиш ҳам режалаштирилган. “Навбаҳор” иккинчи давранинг дастлабки учрашувини Тошкентда “Локомотив” жамоасига қарши ўтказишини эслатиб ўтиш жоиз. Айнан шу ўйиндан кейин жамоа Наманганга қайтади.
