Амалдаги Ўзбекистон Кубоги ва Суперкубоги соҳиби - “Насаф” жамаоси бугун яна Ўзбекистон Кубоги баҳсларини давом эттиради.
Жамоамиз Ўзбекистон Кубоги ¼ финали дастлабки учрашувини бугун 5 июл куни Андижонда “Андижон” жамоасига қарши ўтказади. Учрашув “Соғлом авлод” стадионида соат 18:00да бошланади.
Жамоамизни бугун майдонга катта мураббий Шуҳрат Тошпўлатов бошлаб тушади.
Хабарингиз бор, жамоамиз ўтган 1/8 финалида “Нефтчи” жамоаси билан туқнаш келиб, ҳар икки учрашувда ғалаба қозонган ва кейинги босқичга йўлланма олган эди.
Рақибимиз “Андижон” жамоаси эса ўтган босқичда Навоийнинг “Қизилқум” жамоасини кубок учун курашдан чиқариб юбориб, чорак финалига етиб келган.
Мазкур жамоалар жуфтлигининг чорак финалдаги ғолиби ярим финалда “Бухоро” – “Қўқон-1912” жуфтлиги ғолиби билан куч синашади.
Бугунги учрашувни ФИФА ҳаками Равшан Эрматов бошқаради. Унга қанотларда Абдуҳамидулло Расулов ва Жаҳонгир Саидовлар ёрдам беришади. Захира ҳаками сифатида Темур Тўхтасинов ишлайди. Учрашувда ҳакамлари ишини Бахтиёр Тагаев назорат қилади.
Ўзбекистон Кубоги-2016. ¼ финали дастлабки учрашуви
“Андижон” (Андижон) – “Насаф” (Қарши)
05.07.2016. “Соғлом авлод” стадиони. Соат 18:00да
Бош ҳакам: Равшан Эрматов (Тошкент)
Қанот ҳакамлари: А. Расулов (Тошкент), Ж. Саидов (Тошкент)
Захира ҳаками: Т. Тўхтасинов (Андижон).
Назоратчи: Б. Тагаев (Тошкент).
