Португалия терма жамоасининг бош мураббийи Фернанду Сантуш Евро-2016 яримфиналида Уэльс (2:0) терма жамоаси устидан қозонилган ғалабадан сўнг ўз фикрларини билдириб ўтди.
“Жудаям бахтлиман. Футболчилар учун, ҳар бир португалиялик учун хурсандман. Шунингдек, плей-оффда мени қўллаб-қувватлаб турган грецияликлар учун ҳам хурсандман. Терма жамоадаги дастлабки ўйинимни 2 йил олдин ўтказгандим, мақсадимиз Евро-2016 га чиқиш эди. Энди эса финалгача етиб келдик. Бахтимизга, орзуларимиз рўёбга чиқди. Биз кучлимиз, ўзимизга ишонамиз ва бирдаммиз” - деди Сантуш УЕФА расмий сайти хабарига кўра.
