Тайчжун шаҳри (Хитой Тайпейи)да спорт курашлари бўйича бошланган Осиё чемпионатининг биринчи кунида юнон-рим кураши бўйича Ўзбекистон ўсмирлар терма жамоасининг икки нафар аъзоси совриндорлар сафидан ўрин эгаллашди.    Хусусан, Элбек Эргашев (-46 кг) финалга қадар кечган беллашувларда Қозоғистон, Ҳиндистон ва Қирғизистон спортчиларини мағлуб этиб, ҳал қилувчи финал баҳсида эронлик полвонга имкониятни бой берди ва кумуш медаль соҳиби бўлди.    Вазни 42 кг.гача бўлган спортчилар баҳсида иштирок этган яна бир умидли спортчимиз Ихтиёр Ботиров чорак финалда Қозоғистон вакилидан устун келиб, ярим финалда ҳиндистонлик Рохан Прокашга имкониятни бой берди. Бронза медали учун кечган баҳсда эса Жанубия Корея терма жамоаси аъзосини мағлуб этди.