«Вест Хэм» ҳужумчиси Эннер Валенсия фаолиятини «Лацио»да давом эттириши мумкин.

Эквадорлик 26 ёшли футболчининг агентли Гонсало Варгаснинг сўзларига кўра, яқин вақт ичида томонлар трансфер бўйича музокараларни бошлайди. 

«Яқин кунларда Англияга, Валенсиянинг келажаги борасида гаплашиб олиш учун «Вест Хэм» вакиллари билан учрашиш учун бораман», — деди агент. 

«Эннер «Вест Хэм»дан кетмоқчи, бироқ кетишига ўзининг сабабларини келтирмоқда. У клуб раҳбарияти ва мураббийлари билан яхши муносабатда», — деди агент. 

Варгаснинг қўшимча қилишича, Эннер Валенсия юқори ўринлар учун кураш олиб борувчи клубда фаолиятини давом эттирмоқчи. 

«Лацио» томонидан билдирилган қизиқиш Валенсияга маъқул келган. Ундан ташқари, «Рома» ҳам бу футболчини ўз таркибига қўшиб олмоқчи.