Хитойлик мультимиллиардер, Осиёнинг энг бадавлат одамларидан бири ва Dalian Wanda Group конгломерати эгаси Ван Цзяньлинь Европада янги суперлига ташкил этиш ғоясини қўллаб-қувватлади.
Ғоя тарафдорларининг фикрича, янги мусобақа Европа Чемпионлар лигасининг ўрнини эгаллаб, клублар миқёсидаги энг нуфузли турнирга айланиши керак.
Dalian Wanda Group Англия, испания, Италия, Франция ва Германиядаги салоҳиятли ҳамкорлик билан музокара ўтказган.
Мазкур мамлакатлар янги мусобақада ЕЧЛдагига нисбатан кўпроқ ўрин олиши мумкин. Шунингдек, Dalian Wanda Group телетрансляциялардан олинадиган даромад кўпроқ бўлишига ҳам ваъда берган.
“Кўплаб иқтидорли футболчилар ҳозирда Европага эмас, Осиёга йўл олмоқда. Вақти келиб, Осиё клубларида ҳатто Криштиану Роналдуни ҳам кўндира оладиган пул пайдо бўлади. Етакчиликни сақлаб қолиш — Европа етакчи лигаларининг умумий манфаатидир”, — дея қайд этди Wanda Sports Holding’нинг стратегик директори Марко Богарелли.
