«Барселона»нинг янги футболчиси Денис Суарес жамоанинг ҳужум учлиги — Неймар, Луис Суарес ва Лионель Месси ҳақида ўз фикрлари билан ўртоқлашди.
«Ёшлигимда отам билан "Барселона"нинг ўйинларини томоша қилар эканман, Роналдиньонинг ўйинларини кўриб улғайганимдан хурсанд бўлганман. Неймар менга ўша Роннини эслатади. Унинг фантазияси, дриблинги ва техникаси жуда зўр.
Месси, шубҳасиз, энг зўри. Унга ўхшаган футболчини мен бошқа кўрмаганман. У бир қатор рекордларни ўрнатган. Лионель жамоа учун ўйнайди ва ҳар куни ўсишда давом этади.
Суарес эса туғма тўпурар ва у ўз жамоалари сафида кўплаб голлар урган», — дея ярим ҳимоячининг сўзларидан иқтибос келтирди Mundo Deportivo.













