«Барселона» ҳужумчиси Лионель Месси солиқлар билан боғлиқ муаммолар сабаб 21 ойлик қамоқ жазосига ҳукм қилинган ва жазо муддати икки йилдан кам бўлгани учун жарима тўлаб, ундан қутилиши мумкин экани хабар қилинганди.
Маълум бўлишича, Мессининг қилган ишлари бу даражада жиддийлашиши керак бўлмаган. Бунинг устига футболчи айбини тан олган ва солиқларни тўлашини айтган. Лекин судья Мария Сильва Лапиедра хоним бу ишни юқори органларгача кўтариб, ишни Испания судига оширган.
Лапиедра хоним 2000-2006 йилларда Мадриднинг «Реал» клубида директор лавозимида ишлаган ва айнан мана шу омил кўпчиликда иш тоза кечмаганига шубҳа уйғотмоқда. Судья хонимнинг ҳозир ҳам Флорентина Перес билан яқин алоқада экани алоҳида таъкидланган.
