Италия терма жамоаси собиқ ҳимоячиси Марко Матерацци ЖЧ-2006 финалида рўй берган воқеани яна бир марта ёдга олди. Ўшанда Франция терма жамоаси футболчиси Зайниддин Зидан футболчининг кўкрагига калла қўйганди.
«Мен ушбу воқеа бўйича китоб чиқаришга қарор қилдим. Боиси, кўпчилик мендан ўшанда Зидан менга нима деганим ҳақида сўрайди. Мен аҳмоқона сўзларни айтганман, лекин зарба қабул қилишга муносиб эмасдим. Рим, Неаполь, Турин, Милан ва Париж шаҳарларида бундан ҳам жиддийроқ ҳақоратларни эшитиш мумкин.
Мен унинг синглиси ҳақида гапирганман, баъзи газеталар ёзганидек, онаси ҳақида эмас. Мен ёш бўлган пайтимда унинг онаси оламдан ўтганди, шу боис, мен унинг онаси ҳақида гапира олмасдим.
Нима учун ушбу воқеа бунчалик кенг тус олганини тушунмайман. Одамлар ўша финалда менинг голларимни эслашларини истайман, бош билан берилган зарбани қабул қилганимни эмас. Лекин мен Зидандан хафа эмасман, унга нисбатан ғаразим йўқ», – дейди Матерацци.