Уэльс терма жамоаси яримҳимоячиси Хл Робсон-Кану "Халл" клуби қизиқишлари доирасига тушди, дея хабар беради Sport Mediaset.
Яқин кунларда Англия клуби 27 ёшли футболчи билан шартнома борасида музокара бошлайди. Шунингдек, Робсон-Кануга "Эвертон", "Галатасарай", "Суонси" ва "Лестер" клублари қизиқишмоқда.
Эслатиб ўтамиз, футболчи шу вақтгача тўп суриб келган клуб "Рединг" ўтган мавсум якунидан сўнг у билан шартномасини узайтирмаган эди.
Робсон-Кану ўтган мавсум Англия чемпионатида 28 учрашув ўтказиб, 3 та гол урган ва 6 та голга узатма оширган. Европа чемпионатида 5 учрашувда иккита гол урган.
