"Арсенал" дарвозабони Петр Чех куни кеча ҳалқаро фаолиятига якун ясаганини эълон қилди. 34 ёшли дарвозабон Чехия терма жамоаси сафида 124 та учрашув ўтказган.
"Мен эришишим мумкин бўлган чўўқига чиқдим, энди дам олиш ва тикланиш учун кўпроқ вақт керак бўлади. Мен бу қарорни фақат футбол сабаблри билан чиқардим. Агар клубдаги фаолиятимни давом эттирсам, яна юқори савияда ўйнаш учун мувозанатни топишим керак бўлади.
Мен 34 ёшдаман, навбатдаги йирик ҳалқаро мусобақа икки йилдан сўнг, бу эса жуда узоқ муддат. Вақтни тўхтатиб бўлмайди. Келажак учун баъзан қийин қарор чиқаришга тўғри келади. Тўғри қилаётганимга ишончим комил", - дейди Чех.
