«Гуанчжоу Эвергранд» ҳужумчиси Жексон Мартинес Европага қайтиш истагини билдирди, демоқда футболчининг агенти Энрике Помпео.
«Ҳозирча Европа клубларидан таклиф йўқ. Мен бу йўналиш бўйича иш олиб бормоқдаман. Жексон хитойликлардан миннатдор, лекин у Европага қайтмоқчи. Биз «Гуанчжоу»ни қониқтирадиган ечим изламоқдамиз, чунки улар Мартинес трансферига катта пул сарфлашган. А серия Мартинесга ёқади, буни яширмайман. Нима бўлишини эса вақт кўрсатади», – деди Помпео.
Элатиб ўтамиз, Мартинес трансфери учун «Гуанчжоу Эвергранд» 42 млн евро сарфлаган.
