"Интер"нинг собиқ ҳужумчиси Диего Милито "МЮ" бош мураббийи Жозе Моуриньонинг ўйин услуби ҳақида фикр билдирди.
"Моуриньо баъзан ўзига душман ясаб олади, у буни била туриб шундай қилади. Гвардиола - шулардан бири.
Моуриньо - исталган жамоа учун зўр етакчи, энг юқори савиядаги мураббий.
Унинг қўл остида ҳамма 100 фоиз куч билан ўйнайди, Жозе керакли вақтда керакли сўзларини топа олади, керак бўлса, айбдорларни жазолайди.
Моуриньо ўз жамоасини қандай ҳимоя қилишни билади. Аммо унга ўзиникиларни ҳимоя қилиш ва ҳужумга ўтиш учун душман керак", - дейди Милито.
Эслатиб ўтамиз, Милито "Интер"да Моуриньо қўл остида тўп сурган.