Германия терма жамоасининг собиқ яримҳимоячиси Михаэль Баллак “бундестим” сардори Бастиан Швайнштайгер фаолиятини якунлаши кераклиги ҳақида гапирди. Унинг фикрича 31 ёшли футболчи терма жамоа учун бор кучини сарфлаб бўлди.
“Бастиан терма жамоа билан ЖЧ-2014 ғолиби бўлди, у футболимиз учун кўп меҳнат қилди. Энди у терма жамоани тарк этиши керак, ўйлайманки, буни бошини мағрур кўтарган ҳолда қила олади. Агар Швайнштайгер бу ишни чўзиб юборса, унинг обрўсига путур етиши мумкин. Бастиан асло бунга лойиқ эмас” - деди Баллак Express хабарига кўра.
