Аргентина терма жамоасининг собиқ бош мураббийи Диего Марадона Франция ва Португалия терма жамоаларининг Евро-2016 финал ўйинидан олдин ўз фикрларини билдирди.
«Бундай ўйинларда тактика эмас, балки иштиёқ, хоҳиш ва кайфият ҳамма нарсани ҳал қилади. Бугун Роналдуда Португалия терма жамоаси билан муваффақият қозониши учун сўнгги имконият бўлади. Франция Роналдуни қандай қилиб ушлаш тўғрисида бош қотиради, Португалия эса мусобақада 6та гол урган Гризманни.
Франциянинг яримҳимоя ва ҳужумдаги имкониятлари юқорироқ, уларда жуда кучли марказ бор. Франциянинг асосий кучи мана шунда», — деди Марадона.
