Германия терма жамоасининг собиқ футболчиси Михаэль Баллак 31 ёшли яримҳимоячи Бастиан Швайнштайгер ҳақида фикр билдирди.
"Билмайман, Бастиан шахсий рекордини янгилаш учун Россияда бўладиган ЖЧ-2018 мусобақасига борадими, йўқми. Аммо мен унга яхшилаб ўйлаб кўришни маслаҳат берар эдим. Акс ҳолда бошқа футболчиларда Бастианнинг терма жамоа савиясига жавоб бериш-бермаслиги ҳақида саволлари пайдо бўлишидан қўрқаман.
Швайнштайгер ЖЧ-2014да ғолиб бўлди ва терма жамоа учун кўп ишлар қилди, у бошини тик тутган ҳолда кетиши мумкин. Ҳозир айнан шундай қиладиган вақт", - дейди Баллак.