«Манчестер Юнайтед» ҳужумчиси Маркус Рэшфорд Испания чемпионатида қолиши мумкин, бироқ Каталониянинг «Барселона» клубида эмас. Metro нашри берган маълумотларга кўра, инглиз ҳужумчисини Мадриднинг «Реал» клуби ўз сафига қўшиб олиши мумкин.
Рэшфорднинг трансферига яқин орада «қаймоқранглилар» бош мураббийлиги лавозимини эгаллаши кутилаётган португалиялик мутахассис Жозе Моуриньо шахсан қизиқиш билдирмоқда. Жорий мавсумда Маркус ижара асосида «Барселона» шарафини ҳимоя қилмоқда.
Ҳужумчи Испания Ла Лигасида 31 та учрашувда майдонга тушиб, ўз ҳисобига 8 та гол ва 7 та голли узатмани ёздириб қўйди. 28 ёшли инглиз футболчисининг трансфер баҳоси бозорда 40 миллион еврога баҳоланмоқда.
