«Интер» клубининг ҳужумчиси Мауро Икарди трансферга қўйилди, деб хабар бермоқда унинг турмуш ўртоғи ва агенти Ванда Нара.
“Интер“да юз бераётган воқеалардан шуни хулоса қилишим мумкинки, Мауро трансферга қўйилган. Бугунги кунда клубнинг молиявий аҳволи яхши эмас ва у Икардини олиб қолиш ниятидан воз кечган. Умид қиламизки, “Интер” трансфер учун жуда катта пул талаб қилмайди” - деди Нара Calciomercato хабарига кўра.
Италия чемпионатининг ўтган мавсумида Икарди 33 ўйинда 16та гол урган эди. Унинг “Интер” билан тузган шартномаси 2019 йилгача мўлжалланган эди.
