"Барселона" ҳужумчиси Лионель Месси 2018 йилнинг ёзида клуб билан тузган шартномаси якунига етганидан сўнг кетишни чамалаяпти.
Cadena COPE хабарига кўра, аргентиналик 29 ёшли футболчи Америка кубоги финалида Чилига мағлубият ва солиқ тўламаганлик учун суд чиқарган қарордан клубни тарк этиш ҳақида ўйлай бошлаган.
Месси аввалроқ Аргентина терма жамоасидан кетиш ҳақида қарор чиқарган эди.
"Охирги воқеалар унга қаттиқ таъсир қилди ва ҳаётида ўзгартириш қилиш ҳақида ўйлай бошлади. У жуда безовта ва ўзини яхши ҳис қилмаяпти.
"Барселона" бошлаган Мессини қўллаб-қувватлаш кампанияси уни янада ҳафсаласини туширди", - дейди вазиятга яқин бўлган номаълум манба.
