Кеча Тошкент вилоятининг Бўстонлиқ туманига йўл олган жамоамиз аъзолари бугун дастлабки машғулотларни ўтказишди.

Эрталаб, асосан югуриш машқларини бажарган футболчилар яна бироздан сўнг бошланадиган кечки машғулотни ўтказишади. Жамоамиз аъзолари ҳозирда Бўстонлиқ туманидаги «Хожикент» пансионатида истиқомат қилиб, шу ернинг ўзида шуғуланаётганликларини айтиб ўтиш жоиз. Айни пайтда таркибда ўзгариш кузатилганича йўқ. Биринчи даврада жамоа шарафини ҳимоя қилган бир қатор футболчилар ҳозирда жамоа билан биргаликда эмасликларини айтиб ўтиш жоиз. Дастлабки машғулотларда қатнаша олмаган ярим ҳимоячи Акрам Баҳриддиновни бугун сафга қўшилиши кутилмоқда.