"Зенит" яримҳимоячиси Аксель Витсель ёзда "Наполи"га ўтмайдиган бўлди. Бельгиялик футболчининг итальян клуби билан музокаралари боши берк кўсага кириб қолди, дея хабар беради Mediaset Premium.
"Наполи" Витселга яна бир йилга узайтириш опцияси билан тўрт йиллик шартнома таклиф қилди, бунда футболчининг йиллик маоши 3,2 миллион евро қилиб белгиланган эди. Аммо томонлар футболчининг реклама ҳуқуқлари борасида келиша олмадилар. Манбада айтилишича, "Наполи" ва Витсель музокараларни қатъиян тўхтатдилар.