"Арсенал" ҳимоячиси Пер Мертезакер яримҳимоячи Гранит Жаканинг "канонирлар" сафига қўшилишини АПЛда ғолиб чиқиш учун идеал трансфер деб баҳоламоқда.

"У билан шахсан танишмасман, аммо бу муҳим эмас. Ишонаманки, чиқишиб кетамиз, чунки у "Боруссия" М учун кўп ишлар бажарган ажойиб ўйинчи.

У немисчада яхши гапиради. Мен унга Англияга мослашишига ёрдам бераман ва майдонда оталиққа олмоқчиман.

У ҳақиқий етакчи. Бу айниқса яримҳимоячи учун жуда муҳим. У тўпни жуда яхши назорат қилади ва у билан нима қилишни яхши билади. Унинг ажойиб паси бор, у ўйинга темп бера олади. Менга унинг машғулотларда ва ўйинларда ўзини қандай кўрсатиши қизиқ. У жамоамиз учун идеал трансфер", - дейди Мартезакер.