Жорий мавсум "Навбаҳор" таркибига келиб қўшилган дарвозабон Александ Корнейчук фаолиятини "лочинлар" сафида давом эттирадиган бўлди. Фақатгина мураббий сифатида!
Корнейчук биринчи даврага қадар "Навбаҳор" асосий таркибида майдонга тушмади. Ёшлар лигасида айрим учрашувларда жамоа дарвозасини қўриқлади.
"Навбаҳор"дан дарвозабонлар мураббийи Анвар Жабборов кетгач. унинг ўрнини вақтинчалик Корнейчук эгаллаганди. Шундай қилиб, "Сурхон", "Навбаҳор", "Шўртан", "Бухоро" каби жамоалар дарвозасини қўриқлаган Александр футболчилик фаолиятини якунлади. Эндиликда "Навбаҳор" дарвозабонлари - Артур Парванов, Акмал Ортиқов ва Мирзоҳид Маматхоновларни Корнейчук шуғуллантиради.
