Бугун УЕФА чемпионлар лигасида 2-саралаш босқичи жавоб ўйинлари ўтказилмоқда. Қозоғистоннинг «Астана» клуби ўз майдонида Литванинг «Жальгирис» клубини қабул қилиб, сўнгги сонияларда урилган гол эвазига ғалабани илиб кетди.
Жамоаларнинг дастлабки ўйинида 0:0 ҳисоби қайд этилганди. Қозоғистонда ўтган ўйиннинг 31 дақиқасида Аничич ҳисобни очиб, «Астана» клубини олдинга олиб чиқди. Иккинчи бўлимда, кутилмаганда Эливелто ҳисобни тенглаштирди. Агар ўйин шундай ҳисоб билан тугаганида «Жальгирис» кейинги босқичга чиқарди. Бироқ «Астана» катта қийинчилик билан сўнгги сонияларда гол уриб, ғалабани илиб кетди.
Энди «Астана» Чемпионлар лигаси гуруҳ босқичига чиқиш учун Линколь (Гибралтар) ва Селтик (Шотландия) ўйини ғолиби билан куч синашади.
«Астана» (Қозоғистон) - «Жальгирис» (Литва) – 2:1
Голлар: Аничич (31, 90+2) - Эливелто (57)
Биринчи ўйин – 0:0
