«Олмалиқ» клуби "Бунёдкор" футбол академияси майдонида Тошкентнинг "Обод" жамоаси билан назорат ўйини ўтказди. Қизиқарли кечган баҳсда «Олмалиқ» 5:2 ҳисобида ғалаба қозонди.
Учашувда илк гол пойтахт жамоаси вакиллари ҳисобига ёзилди. Сунъий ўйиндан ташқари ҳолатни вужудга келтиришда ҳимоячилар бироз хатоликка йўл қўйишди. Бундан Жавоҳир Қаҳрамонов унумли фойдаланди. Дарҳол ташкил этилган ҳужумни жамоамиз аъзолари гол билан якунлашди. Қанотдан ошириб берилган тўпни Сардор Расулов дарвозага йўллади. Биринчи тайм якунида ҳар икки жамоа биттадан пенальти тепиш ҳуқуқини қўлга киритди. Жамоамиздан Евгений Гоголь пенальтини аниқ амалга оширган бўлса, "Обод"дан Илҳом Комилов бу вазифани бехато бажарди. Иккинчи таймда ҳар икки жамоа бир қатор ўзгаришларни амалга оширди. Жамоамиз таркибида Кенжа Тўраев, Тимур Усмонов ва Диёр Туроповлар биттадан гол уриб жамоамизнинг йирик ғалабасига ҳисса қўшишди.
Учрашувда "Олмалиқ" қуйидаги таркибда майдонга тушди.
"Олмалиқ": Никита Шквирин, Хуршид Мухторов, Саидкомил Акбаров, Евгений Гоголь, Ислом Иномов, Достон Абдураҳмонов, Шоҳназар Норбеков, Зоҳир Пиримов, Дониёр Исмоилов, Сардор Расулов, Мўйдин Мамазулумов.
Захирадан майдонга тушганлар: Роман Абдулов, Умид Хонимқулов, Раҳматилло Бердимуродов, Абдуқаҳҳор Ҳожиакбаров, Муҳаммад Исаев, Диёр Туропов, Тимур Усмонов, Кенжа Тўраев, Арслонмурод Аманов, Руслан Вагапов, Шаҳбоз Жумабоев.
