«Суонси» жамоаси «Ливерпуль» ярми ҳимоячиси Жо Алленга қизиқиш билдирмоқда.
Аввалроқ, мерсисайдликлар футболчини 13 миллион фунт эвазига «Сток Сити»га сотишга рози бўлгани маълум бўлганди.
Бироқ, «Суонси» «Сток Сити»ники билан бир хил таклиф билан чиқиш қилган. Футболчи «Ливерпуль»га ўтгунича айнан «Суонси»да ўйнаган.
«Жо — футболчиларимиздан бири. Агар имконият бўлса, «Суонси» у билан шартнома тузади. Биз эҳтимолий трансфер имкониятларини бир неча ҳафта аввал «Ливерпуль» билан муҳокама қилганмиз», — деди «Суонси» раиси Хью Женкинс.
«Сток» таклиф билан чиққан. Қаерга ўтиш маъқул экани ҳақида футболчининг ўзи қарор қабул қилади. «Ливерпуль» товон пули талаб қиляпти, чунки Алленнинг жамоа билан ҳали бир йиллик шартномаси бор», — дея қўшимча қилди Женкинс.
