Кеча биринчи лига вакили “НБУ-Осиё” жамоасига қарши бўлиб ўтган назорат учрашувидан кейин таркибда айрим ўзгаришлар кузатилди.

Мураббийлар машғулотларда қатнашган Аюбхон Гаппаров, Азиз Ғуломхўжаев, Дониёр Инамов ва Фарруҳ Нурлибоевга жавоб беришга қарор қилишди. Биринчи даврани Фарғонанинг “Нефтчи” клубида ўтказган Илҳом Бойдедаев бугун эрталаб, жамоамизнинг Тошкентдаги вақтинчалик қароргоҳига етиб келди. Бойдедаев биринчи давранинг якуний қисмида жамоамиз машғулотларда қатнашишга ҳам улгурганди. Мавсумлар оралиғида “Нефтчи” клубига кўчиб ўтган ярим ҳимоячи иккинчи даврани “Навбаҳор”да ўтказишга яқин турибди.