"Навбаҳор" таркибига янги келиб қўшилган футболчилар ҳақида маълумот беришда давом этамиз.
ВЛАДИСЛАВ НУРИЕВ
Туғилган санаси: 1996 йил 20 февраль
Амплуаси: Ҳужумчи. Рақами: 24. Ўйнаган жамоалари: "Бунёдкор" (ёшлар), "Обод"
Владислав Нуриев - "Бунёдкор" тарбияланувчиси саналади. Ҳужумчи бир неча мавсум "Бунёдкор" ёшлар жамоасида тўп сургач, жорий йилги мавсумда "Обод" жамоасига ижарага берилади. Нуриев "Обод"да ҳам асосан Ёшлар лигасида иштирок этди. Олий лигада фақатгина бир учрашувда майдонга тушган, холос. "Нефтчи"-"Обод" учрашувида Владислав 14 дақиқа майдонда тўп сурган.
Ёш ҳужумчи жорий йилги Ёшлар мусобақасида "Навбаҳор" дарвозасини ишғол қилган. 29 апрель куни Тўрақўрғондаги ўйингоҳда ўтган "Навбаҳор" ҳамда "Обод" ёшлари ўртасида учрашувнинг 25-дақиқасида Владислав Нуриев Алибек Туробов дарвозасини ишғол қилганди.
Бундан икки кун аввал "Навбаҳор" машғулотларига қўшилган Нуриев "НБУ-Осиё" қарши кечган учрашувда киритилган тўртта голдан бирига муаллифлик қилганлигини айтиш лозим.
