Айни пайтда Олий лига сингари биринчи лигада ҳам танаффус юзага келган. Жамоалар иккинчи давра ўйинларига ҳозирлик кўришмоқда.

"КОСОНСОЙ"
Олим Турсунхўжаев жамоасини бир нечта футболчилар тарк этишди. Хусусан, Даврон Исоқов ("Цементчи"), Сардор Асқаров ("УзДонгЖу"), Амирхон Иброҳимов ("Олмалиқ") Шуҳрат Исчанов, Муҳаммаджон Абдуллаев, Ислом Жўраев, Шаҳзод Убайдуллаев каби асосий таркиб футболчиларига жавоб берилган. Куни кеча жамоа "Нефтчи" ёшлари билан беллашиб, 2:3 ҳисобида мағлуб бўлган.

"НОРИН"
Ҳаққулободликлар Вали Келдиев мураббийлигида иккинчи даврага тараддуд кўришмоқда. Таркибда бир қанча ўзгаришлар кузатилган. Ҳозирча футболчилар кўрикдан ўтаётгани боис номлари ошкор қилинмаяпти. "Норин" жамоаси куни кеча "Ёзёвон-Лочинлари" билан ўртоқлик учрашувида майдонга тушди. Қизиқарли кечган учрашувда фарғоналиклар 2:0 ҳисобида устун келди.

"ХОТИРА-79"
Уйчиликлар ҳам қизғин тайёргарлик олиб боришмоқда. Ҳозирча жамоага янги бош мураббий тайинланмаган. Таркибдаги ўзгаришлар ҳақида маълумотларга эга эмасмиз.