«Манчестер Юнайтед» ҳимоячиси Эрик Байи «Манчестер Сити» клубидан таклиф бўлгани, лекин у «қизил иблислар»ни танлаганини гапирди.
«Мен «МЮ» билан шартнома имзоладим, чунки Жозе Моуриньо менга ёқади. Мен тинмасдан меҳнат қиладиган инсон учун ўйнашни маъқул кўрдим.
«Ман Сити» мен билан қизиқиб кўрди, «шаҳарликлар»нинг мураббийларидан бири билан суҳбатлашдим. Яҳё Туре ҳам менга қўнғироқ қилиб, «Сити»га чақирди. Бироқ Моуриньони танладим. Бундай қарор қабул қилишимга Дидье Дрогба ҳам сабабчи бўлди, чунки у Моуриньо билан ишлаган эди» - деди Байи.
