Футзал бўйича Колумбияда ўтадиган Жаҳон чемпионатига тайёргарлик кўраётган Ўзбекистон терма жамоаси кечадан навбатдаги йиғинга киришди. Машғулотлар кунига икки маҳалдан "Ўзбекистон" спорт мажмуасида олиб борилмоқда. Аввалроқ, ушбу йиғинга 20 нафар ўйинчи чақирилганини маълум қилган эдик. Терма жамоа бош мураббийи Хосе Мария Мендез ўша йигирматаликдаги Мақсуд Файзуллаевнинг ўрнига "Олмалиқ"дан Сирожиддин Маҳмудов ҳамда "Бунёдкор"дан Дилмурод Шавкатовларни машғулотларга чақирди. Бугундан машғулотларда 21 нафар футзалчи иштирок этмоқда. Булар:

Дарвозабонлар:
Рустам Умаров ("Олмалиқ")
Клим Тюгаев ("Олмалиқ")
Акмал Хазратқулов ("Дўстлик-AIN")
Шавкат Ибрагимов ("Ардус")

Ўйинчилар:
Жавлон Аноров ("Олмалиқ")
Фарҳод Абдумавлонов ("Ардус")
Артур Юнусов ("Ардус")
Даврон Чориев ("Ардус")
Константин Свиридов ("Олмалиқ")
Дилшод Раҳматов ("Ардус")
Андрей Шлема ("Олмалиқ")
Илҳом Ҳамроев ("Ардус")
Феруз Фахриддинов ("Дўстлик-AIN")
Жамолиддин Шарипов ("Олмалиқ")
Дилшод Ирсалиев ("Ардус")
Шуҳрат Тожибоев ("Олмалиқ")
Машраб Одилов ("Бунёдкор")
Дилмурод Шавкатов ("Бунёдкор")
Сирожиддин Маҳмудов ("Олмалиқ")
Нодир Элибоев ("Ардус")
Тоҳир Абдураззоқов ("Дўстлик-AIN")

Ҳозирча, жаноб Мендез футзалчиларнинг тактик кўрсаткичларини кучайтиришга ҳаракат қилмоқда. Машқлар ҳам асосан тактикага асосланмоқда.

Эслатиб ўтамиз, Ўзбекистон терма жамоаси 9 ва 10 август кунлари Олма-ота шаҳрида Қозоғистон терма жамоаси билан иккита ўртоқлик учрашуви ўтказади.