«Обод» клубининг бош мураббийи Александр Мочинов «Қўқон-1912» (2:1) клубига қарши ўйиндан сўнг ўз фикрларини баён этди.
«Мухлисларга қўллаб-қувватлагани учун миннатдорчилик билдираман. Бугун қийин ва иродали ғалабани қўлга киритдик. Рақиб ҳам муносиб қаршилик кўрсата олди. Уларга кейинги ўйинларида муваффақият тилайман.
Иккинчи даврадан олдин таркибни кучайтирдик. Сафимизга терма жамоа ҳавосини олган Анвар Ғофуров, Собирхўжаев каби футболчилар қўшилишди. Бу эса ўзини оқлади. Футболчилар орасида рақобат кучайди.
Иккинчи давра энди бошланмоқда. Вазият биз учун қийинроқ, лекин уни ўнглаш учун ҳамма нарса қўлимизда» - Александр Мочинов.
