«Милан»нинг собиқ бош мураббийи Фабио Капелло Сильвио Берлускони клубни хитойлик инвесторларга сотиб тўғри иш қилгани ҳақида гапирди.
«Бу тарихий ўзгариш. Сильвио Берлускони «Милан» тарихидаги буюк президент эди. Берлускони ютган шунча совринларни бошқа ҳеч ким қўлга кирита олмаган, буни душман ҳам тан олади. Мен уни: «Биз кучли клубни шакллантирамиз ва унутилмас томоша қўямиз» - деган илк гапини ҳамон эслайман. Кўпчилик қатори мен ҳам уни гапига ишонмай, кулган эдик. Бироқ у ҳақ бўлиб чиқди. Бугун россонери мухлислари унга ташаккур изҳор этишлари лозим.
«Милан»ни сотилиши тўғри иш бўлди. Бугунги кунда клубни бошқараётган тадбиркор катта молиявий маблағга эга бўлиши лозим. Бой клублар эса араб, хитой ёки рус гуруҳларининг маблағларига таянишмоқда. АПЛга қаранг, деярли барча клублар хориж компанияларига тегишли» - деди Капелло Gazzetta dello Sport хабарида.