«Манчестер Юнайтед» бош мураббийи Жозе Моуриньонинг фикрича, Луи ван Гаал томонидан жамоага сингдирилган ўйин услубини ўзгартириш қийин бўлади.
«Менинг жамоаларим жаноб ван Гаалникидан фарқ қилади. Алоҳида таъкидламоқчиман, меники яхшики, уники ёмон демаяпман, балки уларни орасида фарқ борлигини айтяпман. Агар қўлимда 20 нафар янги футболчи бўлганида, ҳаммасини бошидан бошлаш менга осон бўларди. Икки йил давомида «МЮ»га менинг тамойилларимга мос келмайдиган ўйин услуби сингдирилган. Эндиликда футболчиларнинг ҳатти-ҳаракатларида шу услубнинг қолдиқларини кўриш мумкин, буни ўзгартириш жуда қийин. Аммо бу ишни амалга ошириш учун бор кучимизни сарфлаймиз» - деди Моуринью Sky Sports хабарида.
