«Лестер» бош мураббийи Клаудио Раньери Англия суперкубоги доирасидаги «Манчестер Юнайтед» клубига қарши ўйиндан олдин ўз фикрлари билан ўртоқлашди.
«Мен худди аввалгидек иштиёқ ва ишонч билан ишламоқдаман. Футболчилар нимани хоҳлаётганини билмайман, аммо кўнглим сезяпти, ўйин биз учун муваффақиятли кечади.
Машғулотлар пайтида футболчиларни кузатиб бораман, ҳаммаси жойида эканига амин бўламан. Ўйин пайтида ҳам шундай бўлишини истайман. Бизнинг кучимиз тўпга эгалик қилишдаги устунликда эмас. Яхши ўйин намойиш қилиш учун 100% тайёр бўлишимиз шарт. Бироқ биз «МЮ»га қарши 90 дақиқа давомида прессинг қўллашга қодир эмасмиз», - деди Раньери FourFourTwo хабарида.













