Қурбон Бердиев «Ростов» клубини тарк этиши ҳақидаги қарорига изоҳ берди.
«Бу қарорга чемпионат бошланишидан олдин келган эдим ва раҳбариятни огоҳлантиргандим. Бироқ, «Андерлехт» клубига қарши ўйинлар якунланмагунча бу ҳақда эълон қилмаслик ва футболчиларни асабийлашишга йўл қўймасликка келишиб олгандик. Чунки ўйинчиларнинг фикру ҳаёли фақат футболга қаратилган бўлиши керак.
Жамоадан кетишимнинг сабаблари сизга аён, мен клуб ҳомийлари билан келишолмадим. Ҳозирча «Спартак» клуби билан ҳеч қандай шартнома тузмадим. Бошқа клублар ҳам менга мурожаат қилишмади» - деди Бердиев "Спорт-Экспресс" хабарида.
